نصايح لأي بنت على وش جواز
نصايح لكل بنت على وش جواز
شوية نصايح لأي بنت على وش جواز
******************
لو حضرتِك على وش جواز اقري الكلمتين دول ومش هقولك حطيهم حَلَقة في ودنك، لكن مش هتخسري حاجة لو شوفتي فيهم إيه يناسبك وقررتي تجربيه.
1- أول سنة جواز هي الأصعب على الرغم من كل الحب الحب والشوق الشوق اللي بيكونوا موجودين، وده لأن أول سنة هي اللي بيعيد فيها الطرفين اكتشاف بعض من خلال عاداتهم وردود أفعالهم على المواقف اليومية البسيطة ،
ولأن الحاجات دي مبتبانش غير بالعشرة ساعات كتير بيكون فيها مفاجآت
عشان كده مفتاح النجاح في السنة الأولى مش الحب ، ولو إنه مهم، إنما الأهم منه عشان تعَدِّي الخلافات الكتير الصغيرة اللي بتحصل في البدايات هو الصبر ثم الصبر ثم الصبر .
2- لازم يكون عندك استعداد وقُدرة على التأقلم ، وده مش معناه إنك تتنازلي، إنما معناه إنك أحيانًا هتضطري تدوري على حلول وسط تناسب الطرفين،
فمفيش طرف ييجي على نفسه ويحس بالقهر والعَجْز أو إنه عايز يسيب الجوازة ويمشي .
طبعًا مش كل المواقف ينفع يتلاقى ليها حلول وسط ، وهنا بيبقى مفيش غير إما :
إن طرف يعدي عشان المركب تمشي لحد ما ييجي الدور ع التاني هو اللي يعدي ، لأنها مش حرب على أد ما الموضوع مُتعلق بترتيب الأولويات .
أو إنكم توصلوا لحيطة سَد وكل واحد يركب دماغه وساعتها هتضطروا تدوروا على حل حقيقي
– هيوجع حد منكم – من غير لف ودوران حوالين المشاكل .
3- مترفعيش سقف توقعاتك بشكل مبالغ فيه، لسببين:
الأول عشان متنزليش على جدور رقبتك، والثاني عشان الجواز زي أي شيء في الدنيا له إيجابيات وسلبيات، دي سُنّة الأشياء ، مفيش ثوابت والحب وحده لا يصنع المعجزات، فبلاش تخلي الأغاني والأفلام تبوظلك دماغك وخليكي واقعية عشان تقدري تستمتعي وتبقي مبسوطة، والأهم تقَدَّري قيمة الأوقات/ الأشياء الـعظيمة في الجواز.
4- متتسرَّعيش على الخلفة، الأطفال إن شاء الله جايين، لكن الفترة الأولانية في حياة أي زوجين وهم لوحدهم متفرغين لحب واستكشاف بعض لو راحت مش هتيجي تاني بسهولة وسط مسؤوليات الأطفال والأدوار الجديدة اللي هتفرضها عليكم الحياة كماما وبابا، ولو مش عايزة تلجأي لحلول طبية عشان متلخبطيش هرموناتك فيه حلول تانية ممكن تطبقيها، وفي الآخر اللي ربنا كاتبه هو اللي هيكون .
5- حاولي يفضل ليكي وقت خاص لنفسك في اليوم حتى لو نُص ساعة؛ هيفرق معاكي .
ومش لازم تعملي حاجة بعينها في الوقت ده، المهم يكون ليكي لوحدك أيًا كان هتمليه بإيه .
وده بيساعدك متتوهيش جوة دوامة الجواز وتنسي نفسك .
6- الجواز علاقة مهمة في حياتك، وقد تكون في سِلِّم أولوياتك الأهم على الإطلاق ، لكن ده مينفيش إن غلط تخلي حياتك متمحورة حوالين شيء/ شخص واحد،
ده مش كويس لا ليكي ولا لجوزك اللي مع الوقت هيزهق ويتخنق ويحس إنك بقيتي حِمل تقيل على قلبه .
7- حافظي على أد ما تقدري ع العلاقات الاجتماعية اللي في حياتك، الزوج لا يغني عن الأهل والأصحاب ويمكن كمان الشغل .
8- العلاقه الزوجيه شيء مهم جدًا للطرفين ولأي جوازة ناجحة، إنتي مش أداة للمتعة ولا كل دورك في العلاقة الزوجية إنك تبسطي جوزك عشان الملايكة متلعنكيش،
إنتي كمان ليكي حقوق ورغبات وطُرق ممكن تنبسطي بيها،
وعشان الموضوع كبير ومهم وله أبعاد
9 – جوزك على ما تعوديه، دي حقيقة علمية، فاوعي تقولي مش مهم في الأول وهبقى أقول ع اللي عايزاه بعدين،
فيه سياسة شبه متفق عليها إن اللي بيحصل في البدايات هيفضل يحصل، فبلاش تتغاضي عن حاجة بتضايقك إلا لو عندك استعداد تفضلي بتعملي ده طول العمر،
بس كمان لازم تفرَّقي بين السلوكيات اللي ممكن تغييرها والطباع اللي عمرها ما هتتغير فمتتعبيش نفسك معاها.
10- الستات والرجالة مش زي بعض -سواء سيكولوجيًا أو جسمانيًا أو في طريقة تعاملهم مع الأشياء والمواقف
وعمرهم ما هيبقوا، فحاولي تقري عن الاختلافات بين الجنسين وإزاي بيتم التعايش معاها.
لأن بالرغم من الاختلافات الكتير اللي ممكن تقابلك إلا إن فيه كتالوج لو كل طرف نفذ اللي جواه هينجح،
المهم إنه ميستهلكش وقته في محاولات تغيير الآخر بالغصب أو التعامل معاه على أساس إن كلنا بنفكر بنفس الطريقة وعندنا نفس الاحتياجات لأن ده مش حقيقي .
11 – إنتي مش “سوبر وومن” ومش هتقدري تبقي كده مهما حاولتي، فمَتحَمِّليش نفسك فوق طاقتها،
عادي إنك تتعبي وتفصلي أو تحتاجي مساعدة عشان كده حاولي ده يبقى واضح لشريك حياتك من الأول،
شيلوا هَمّ الحياة مع بعض، قَسِّموا المهام ما بينكم وفقًا لظروفكم، مفيش علاقة بيشيل حِملها طرف لوحده مهما كانت قوته أو إيمان الطرف التاني بيه.
12 – اخلقوا مساحات مشتركة بينكم عشان علاقتكم متضعفش وتموت بدري، وحاولوا إنها متبقاش صغيرة، لأن مع الوقت وزيادة المسؤوليات بتقل من نفسها، المساحات دي ممكن تبقى لممارسة هواية أو رياضة، فرجة على أفلام، سماع مزيكا أو حتى مجرد فضفضة.
بس المهم إنها متجيش على الوقت الخاص بتاع كل طرف فيكم عشان متتخنقوش.
13 – متكتميش جوة قلبك عشان ميجيلكيش أمراض الدنيا، فضفضي وعَبَّري عن اللي بيضايقك من غير انفعالات أو نرفزة عشان متضيعيش حقك، ومتعتمديش على إن الرجالة بتعرف المستخبي، لازم تقولي بنفسك اللي مزعلك أو عايزاه وإلا انسي. واتعلمي مع الكلام إنك تسمعي عشان تقدروا تتفاهموا، وأهم حاجة عشان كل ده ينجح إنك تختاري الوقت المناسب للكلام.
14- الجواز بداية مش نهاية، فمينفعش تعتبري تحقيقه إنك كده خلاص عملتي اللي عليكي وترتاحي بقى ،
بالعكس إنتي كده يا دوب بدأتي المشوار الحقيقي واللي هيبقى عليكي تشتغلي عليه طول الوقت عشان الحب الأولاني ميتوهش في الزحمة وعشان تقدري تكوني فعلاً سعيدة ومرتاحة.
porno6x 